Ինչո՞ւ է Արցախի վերնախավին պակասում ինքնապահպանման բնազդը. Ռուբեն Վարդանյան

Ինձ համար դժվարին հարցերից մեկն այն է, թե ինչու է Արցախի վերնախավին պակասում ինքնապահպանման բնազդը, այս հարցն է մտահոգում Արցախի նախկին պետնախարար Ռուբեն Վարդանյանին:

«Որովհետև, իսկապես, նման ծանր ճգնաժամի պայմաններում ակնհայտ է, որ հաջողության հասնելու միակ շանսը սեփական բոլոր մանր վեճերը,  բոլոր դժգոհություններն ու հակասությունները մոռանալն է և համախմբվելը, որպեսզի միասին  ուժ լինենք արտաքին թշնամու, արտաքին սպառնալիքի դեմ։  Ցավոք, դա այստեղ չի աշխատում: Միգուցե այն պատճառով, որ սա շարունակվում է արդեն 35 տարի, և մարդկանց մեջ   սովորույթ ու հոգնածություն է կուտակվել:  Միգուցե այն պատճառով, որ յուրաքանչյուրն ինքն իրեն մտածում է, որ   հնարավորություն ունի ինչ-որ կերպ՝ յուրովի լուծել հարցը, թեև սա պատրանք է։ Ես խորապես համոզված եմ, որ սա մարտահրավեր է, որպեսզի մենք  բոլորս՝ ներսում գտնվողներս,  հասկանանք, որ միայն միասին  կարող ենք հաղթահարել այս ծանր ճգնաժամը»,- կարծում է Վարդանյանը։