Մակրոնն Ալիեւին կոչ է արել ապահովել Լաչինի միջանցքով ազատ տեղաշարժ

Էմանուել Մակրոնն Իլհամ Ալիևի հետ հեռախոսազրույցում մտահոգություն է հայտնել Հարավային Կովկասում լարվածության աճի վերաբերյալ։ Այս մասին հայտնել են Ելիսեյան պալատից։

«Ֆրանսիայի նախագահը խորը մտահոգություն է հայտնել Հարավային Կովկասում լարվածության վերսկսման կապակցությամբ։ Նա կոչ է արել հարգել 2020 թվականի նոյեմբերի 9-ի հրադադարի համաձայնագիրը և ապահովել ազատ տեղաշարժը Լաչինի միջանցքով»,- ասվում է հայտարարության մեջ։

«Նախագահ Ալիևը հայտարարել է միջանցքի երկայնքով ազատ տեղաշարժի ապահովմանը վերահսկելու մտադրության մասին»,- հավելել են Ելիսեյան պալատից։

Մակրոնն ու Ալիևը պայմանավորվել են առաջիկայում կրկին հեռախոսազրույց ունենալ։