կարևոր
4915 դիտում, 1 տարի առաջ - 2022-12-14 19:02
Աշխարհ

Նիդերլանդների խորհրդարանը ձայների ճնշող մեծամասնությամբ ընդունել է բանաձև Լաչինի միջանցքի արգելափակման մասին

Նիդերլանդների խորհրդարանը ձայների ճնշող մեծամասնությամբ ընդունել է բանաձև Լաչինի միջանցքի արգելափակման մասին

Նիդերլանդների խորհրդարանն ընդունել է դեկտեմբերի 13-ին «Քաղաքական բարեփոխված կուսակցություն», «Քրիստոնեական միություն», «Գյուղացի-քաղաքացի շարժում» և Սոցիալիստական կուսակցությունների խմբակցությունների կողմից ներկայացված միջնորդությունը, որը վերաբերում է Ադրբեջանի կողմից Լաչինի միջանցքի փակմանը: 

«Նիդերլանդների Խորհրդարանը համապատասխան քննարկումը կատարելուց հետո, հաստատում է, որ Ադրբեջանը անտեսելով 2020 թվականի նոյեմբերի 9-ի համաձայնագիրը շրջափակել է Հայաստանը Լեռնային Ղարաբաղի հայ ազգաբնակչության հետ կապող միջանցքը և ընդհատել է գազի մատակարարումը, Հաստատում է, որ տարածքում տեղակայված Ռուսական խաղաղապահ զորքերը չեն միջամտում, որի պատճառով մարդկային աղետալի իրավիճակ է հասունանում Լեռնային Ղարաբաղում, Հայցում է կառավարությանը ձգտել Եվրոպական Խորհրդում միասնական կոչով հնդես գալու, որպեսզի Ադրբեջանը դադարեցնի թշնամական գործողությունները Լեռնային Ղարաբաղի ազգաբնակչության դեմ և վերացնի միջանցքի շրջափակումը», - նշված է հայտարարության տեքստում։