կարևոր
5497 դիտում, 1 տարի առաջ - 2022-11-13 15:53
Աշխարհ

Կիպրոսում մեկնարկել են Իշխան Սաղաթելյանի հանդիպումները   

Կիպրոսում մեկնարկել են Իշխան Սաղաթելյանի հանդիպումները   

Կիպրոսում մակնարկել են ՀՅԴ Հայաստանի Գերագույն մարմնի ներկայացուցիչ, ՀՀ Ազգային ժողովի «Հայաստան» խմբակցության պատգամավոր, «Դիմադրություն» շարժման համակարգող Իշխան Սաղաթելյանի հանդիպումները: Այս մասին իր էջում տեղեկացրել է Իշխան Սաղաթելյանը, նշելով.

«Կիպրոս այցը մեկնարկեց նախ կուսակցականների, ապա կիպրահայերի հետ հանդիպումներով: ՀՄԸՄ-ՀԵՄ-ի կենտրոնում շատ կարևոր և հետաքրքիր հանդիպում ունեցա Կիպրոսի մեր կուսակցական ընկերների հետ, որից հետո Ազգային Առաջնորդարանի «Իւթիւճեան» սրահում կիպրահայերին ներկայացրեցի Հայաստանի ներքաղաքական վիճակը, հայկական երկու պետությունների առջև ծառացած մարտահրավերները, Դիմադրության շարժման ընթացքն ու մանրամասն խոսեցինք Սփյուռքի անելիքների մասին։

Պատասխանեցի Կիպրոսում բնակվող մեր հայրենակիցների բազում հարցերին ։ Լսեցի նաև նրանց առաջարկներն ու Հայաստանի և Արցախի շուրջ ստեղծված իրավիճակի մասին գնահատականները։

Ամեն անգամ համոզվում եմ` մենք համահայկական հսկայական պոտենցիալ ունենք, որն այդպես էլ մնում է չիրացված: Այս ուղղությամբ շատ աշխատանքներ ունենք իրականացնելու»։