ՀՅԴ Արցախի ԿԿ-ն հանդիպել է Համազգային գրասենյակի և «Թուֆենկյան» հիմնադրամի պատասխանատուների հետ

ՀՅԴ Արցախի Կենտրոնական կոմիտեի հրավերով այսօր՝ մայիսի 3-ին, ՀՅԴ Ստեփանակերտի  «Նիկոլ Դուման» գրասենյակում հանդիպում է կայացել դաշնակցական ընկերներ, Համազգային հայ կրթական եւ մշակութային միության Արցախի գրասենյակի տնօրեն Հերմինե Ավագյանի, ու  «Թուֆենկյան» բարեգործական հիմնադրամի ծրագրերի համակարգող Ռուբէն Ճանպազեանի հետ:

Հանդիպմանը Ներկա են գտնվել ՀՅԴ Արցախի ԿԿ քարտուղար Արա Պուլուզյանը, ՀՅԴ Արցախի ԿԿ անդամ Ալյոնա Գրիգորյանը, Ժիրայր Շահիջանյանը:

Հանդիպման ընթացքում քննարկվել են Համազգային հայ կրթական եւ մշակութային միության Արցախի գրասենյակի  և «Թուֆենկյան» բարեգործական հիմնադրամի  ընթացիկ ու ապագա ծրագրերն Արցախում: ՀՅԴ Արցախի ԿԿ-ն ողջունել է նրանց ակտիվ մշակութային գործունությունն Արցախում, այդ թվում՝ ապրիլի 7-ին և 8-ին համատեղ ջանքերով իրականացվող դաշնակցական երգիչ Ափօ Սահակեանի համերգների կազմակերպումը Մարտունիում և Ստեփանակերտում: