Չինաստանը կարող է շրջել իրավիճակը Ուկրաինայում՝ բռնելով որևէ մեկի կողմը. Թուրքիա

Թուրքիայի արտաքին գործերի նախարար Մևլութ Չավուշօղլուն Չինաստանին անվանել է գերտերություն, որը կարող է փոխել Ուկրաինայում իրավիճակը, եթե կողմնորոշվի։ Այս մասին նա հայտարարել է CNN Turk-ին տված հարցազրույցում։

«Ուզենք, թե չուզենք, Չինաստանը գերտերություն է։ Չինաստանի` որևէ մեկի կողմը բռնելը կարող է շրջել պատերազմի ընթացքը: Չինաստանը հաճախ է նշել Ուկրաինայի տարածքային ամբողջականության կարևորությունը։ Նա նաև հաճախակի շեշտում էր, որ իրադարձությունները պետք է լուծվեն դիվանագիտական ճանապարհով։ Մենք նաև տեսանք, որ չինական ընկերությունները զգուշավոր են Ռուսաստանի Դաշնության դեմ սահմանված պատժամիջոցները չխախտելու հարցում»,- ասել է թուրք նախարարը։