ՏԵՍԱՆՅՈՒԹ․ Բոլոր ծնողներին կոչ եմ անում՝ եկե՛ք վաղվա հանրահավաքին, ազատվենք այս իշխանությունից. զոհվածի հայր

Բոլորի հետ պիտի համագործակցենք, համախմբվենք, որ ազատվենք այս իշխանությունից: Կոչ եմ անում բոլոր ծնողներին՝ գալ, ներկա գտնվել վաղվա հանրահավաքին․ Yerkir.am-ի հետ զրույցում ասում է Արցախյան 44-օրյա պատերազմում զոհված զինծառայող Ջիվան Միքայելյանի հայրը՝ Արտակ Միքայելյանը։

«Գեւորգ Գեւորգյանին, որը գլխավոր պատասխանատուն է մեր երեխաների մահվան, ամեն ինչ անում են, որպեսզի չդատեն: Նիկոլն ասում էր՝ «պատերազմը պարտվեցինք, որովհետեւ փախան ռազմի դաշտից, ես մեղավոր չեմ»: Բա ո՞ւր են մեղավորները, ծառայողական քննություն նույնիսկ չեն արել, եւ բազաթիվ զինվորականներ, որոնք չեն կռվել, կրկին պաշոտնների են:

Մարզերում, հեռու բնակավայրերում ապրող ծնողները տեղյակ չեն անգամ, թե այստեղ ինչ է կատարվում, իրենց դարդ ու ցավի մեջ են: Ժամանակ չունենք, շատ ենք ուշացրել այս պայքարը: Մտածում էինք՝ դե լավ, պատերազմ էր, չկարողացանք, գերտերություններ էին խառնված, բայց իրականում այդպես չէր: Ծնողներ կան, որ իրականությունը չգիտեն մի քիչ․ որ հետաքրքրվեն, կհասկանան, թե որն է ճիշտը»,- ընդգծեց նա՝ շեշտելով՝ պիտի ամեն օր պայքարել՝ այս իշխանություններից օր առաջ ազատվելու համար:

Մանրամասն՝ տեսանյութում

Լիանա Սարգսյան