Շնորհակալ եմ Թուրքիային՝ Ուկրաինայի անվտանգության երաշխավոր դառնալու պատրաստակամության համար. Զելենսկի

Ուկրաինայի նախագահ Վլադիմիր Զելենսկին Թուրքիայի նախագահ Ռեջեփ Թայիփ Էրդողանի հետ հերթական բանակցություններից հետո հայտարարել է թուրքական պետության` Ուկրաինայի անվտանգության երաշխավոր դառնալու պատրաստակամության մասին։

Ուկրաինայի նախագահ Վլադիմիր Զելենսկին և Թուրքիայի նախագահ Ռեջեփ Թայիփ Էրդողանը հեռախոսազրույցում քննարկել են ռուս-ուկրաինական բանակցությունները։ Բացի դրանից՝ Թուրքիան համաձայնել է ապագա խաղաղության համաձայնագրում Ուկրաինայի անվտանգության երաշխավորը դառնալ։ Այդ մասին Վլադիմիր Զելենսկին հայտնել է Telegram-ում։

«Պատերազմի 36-րդ օրը ուկրաինացի ժողովուրդը շարունակում է դիմադրել։ Նրանք կարծում էին, որ 3-5 օրվա ընթացքում կկոտրեն ուկրաինացի ժողովրդի կամքը և կգրավեն Ուկրաինան։ Սակայն մենք շարունակում ենք պայքարել և պաշտպանել մեր հայրենիքը»,- ասել է նա:

«Պարբերաբար բանակցություններ ենք վարել Ուկրաինայի իրական ընկերոջ՝ Թուրքիայի նախագահ Ռեջեփ Թայիփ Էրդողանի հետ: Նա նշել է Ստամբուլում պատվիրակությունների միջև բանակցությունների կազմակերպման բարձր մակարդակը: Մենք պայմանավորվել ենք խաղաղության հասնելու հետագա քայլերի մասին: Ես շնորհակալ եմ Թուրքիային՝ մեր պետության անվտանգության երաշխավորը դառնալու պատրաստակամության համար»,- ընդգծել է Զելենսկին։