Բազմազավակ ընտանիքների մասին մայր օրենքի մերժելը նշանակում է՝ դուք հրաժարվել եք ձեր նախընտրական ծրագրից. Ա. Մինասյանը՝ իշխանությանը

Այսօրվա քվեարկությամբ իշխանությունը մերժեց իր իսկ կողմից հայտարարված սկզբունքները․ ԱԺ-ում ասաց «Հայաստան» խմբակցության քարտուղար Արծվիկ Միանսյանը։

«Այնպիսի կարևորագույն հարցեր, ինչպիսիք ներկա արտաքին քաղաքական մարտահրավերներն են, ինչպես նաև սահմանադրական պահանջին համահունչ սոցիալական, ժողովորդրագրական քաղաքականություն  վարելը՝ ի դեմս բազմազավակ ընտանիքների մասին մայր օրենքի, և այն օրակարգ ընդգրկել մերժելը վկայություն է այն բանի, որ դուք նաև, փաստորեն, հայտարարությունների մակարդակում, ինչպես, օրինակ, ձեր նախընտրական ծրագիրն է կամ կառավարության ծրագիրը, հայտարարում եք դրա մասին, բայց հետո, եթե ընդդիմությունն է ներկայացնում մերժում եք ձեր իսկ կարևորած հարցերը՝ գոնե հայտարարությունների մակարդակում»,- ասաց Մինասյանը։

Պատգամավորի խոսքով՝ ՀՀ-ն չունի խորհրդարան, որն ի վիճակի է բաց երկխոսության կամ հանրային քննարկումների։

Մանրամասն՝ տեսանյութում։