Էրդողանը սպառնում է՝ Կիպրոսին մզկիթների վրա հարձակումների պատճառով

Թուրքիայի նախագահ Ռեջեփ Թայիփ Էրդողանը հայտարարել է, որ Կիպրոսի մզկիթների վրա հարձակումները «անպատասխան չեն մնա»։ Այս մասին հայտնում է AP գործակալությունը։

Նշվում է, որ առնվազն մեկ կասկածյալ բերման է ենթարկվել դեկտեմբերի 2-ին Լառնակա քաղաքի Մեծ մզկիթն այրելու փորձից հետո։

Թուրքիան հետաքննում է, թե ով է կանգնած հրկիզման փորձի հետևում.

«Ցավոք, հարձակում է եղել Կիպրոսի հարավում գտնվող մեր մզկիթների վրա։ Իհարկե, Հարավային Կիպրոսում այս միջադեպն անպատասխան չի մնա»,- ասել է Էրդողանը։

Նրա խոսքով՝ դիվերսիոն գործողությունների համար գինը բարձր է լինելու։

Թուրքիան միակ երկիրն է, որը ճանաչել է Կիպրոսի հյուսիսում ինքնահռչակ թուրքական հանրապետությունը և չի ճանաչում Կիպրոսի գոյությունը: