Երիտասարդ ես, տե՛ս, գլխիդ փորձանք չբերես. Էրդողանը մզկիթների փակման հարցով սպառնացել է Ավստրիայի վարչապետին

Թուրքիայի նախագահ Ռեջեփ Թայիփ Էրդողանն անդրադարձել է Ավստրիայում 7 մզկիթի փակմանն ու բազմաթիվ մուսուլմանական հոգևորականների հավանական արտաքսմանը:

Ըստ Diken-ի` Էրդողանն այդ հարցով սպառնացել է Ավստրիայի վարչապետ  Սեբաստիան Կուրցին:

«Տե՛ս, դեռ շատ երիտասարդ ես, շատ փորձառության կարիք ունես։ Տե՛ս, սա չմոռանա՛ս, քո այս վարքով գլխիդ փորձանք չբերես։ Ավստրիայում մի մզկիթի փակումն ու մուսուլման հոգևորականներին երկրից դուրս հանելը կարող է խաչի ու մահիկի նոր հակամարտության սկիզբ դնել, և դրա պատասխանատուն դու կլինես»,- ասել է նա:

Հիշեցնենք, որ Ավստրիայի կանցլեր Սեբաստիան Կուրցը հայտարարել է, որ երկրում փակվել է 7 մզկիթ, իսկ մոտ ապագայում Ավստրիայից կարող են արտաքսվել մի շարք մուսուլման հոգևորականներ։