Իսրայելի դեմ խոշոր կիբերհարձակում է տեղի ունեցել` հասանելի դարձնելով իսրայելական բազմաթիվ թիրախներ

«Մովսեսի գավազան» հաքերային խումբը, որը վերջերս հայտնի դարձավ Իսրայելի օկուպացրած՝ Պաղեստինի կենտրոնների վրա հաջող կիբերհարձակումներով, նոր տեսահոլովակ է ներկայացրել. հայտնում է ParsToday-ը:

Ըստ Al-Mayadin-ի՝ խմբավորումը հայտարարել է, որ իրեն հասանելի է դարձել «սիոնիստական ռեժիմի «կառավարական տեղեկատվությունը», այդ թվում՝ օկուպացված Պաղեստինի 3D պատկերները»: Այս քայլը շրջանցում է միջազգային արգելքը, որը թույլ չի տալիս հասանելի դարձնել օկուպացված պաղեստինյան տարածքների ճշգրիտ օդային լուսանկարները:

Տեղադրված տեսանյութում ցուցադրվում և նշվում են կարևոր վայրերի պատկերներ և քարտեզներ ու հայտարարվում է, որ դրանք ճշգրիտ պատկերների օրինակներ են, որոնք վերջերս ստացվել են Իսրայելի կիբերենթակառուցվածքի կոտրումից հետո, ինչը ցույց է տալիս Թել Ավիվի կիբերանվտանգության ձախողումը:

Հաքերային խումբը նոյեմբերի 6-ին հարձակվել էր նաև իսրայելական ընկերությունների տեղեկատվական սերվերների վրա՝ հրապարակելով հաքերային հարձակման ժամանակ ձեռք բերված փաստաթղթեր՝ անձը հաստատող փաստաթղթեր, փաստաբանների գրասենյակային փաստաթղթեր, անդորրագրեր, ֆինանսական հաշվետվություններ և այլն։