Իրանի արտգործնախարարը հայտարարել է առաջիկայում Հայաստան և Ադրբեջան կատարելիք այցի մասին

Իրանի արտգործնախարար Հոսեյն Ամիր Աբդուլլահիանը շուտով կայցելի Հայաստան և Ադրբեջան․ հաղորդում է Mehrnews  գործակալությունը: Այցի մասին Իրանի ԱԳ նախարարն ասել է ռուսական հեռուստաալիքին տված հարցազրույցում:

«Մեր հարևաններին ուշադրության կենտրոնում պահելը, ներառյալ՝ հյուսիսայիններին, Իրանի նոր կառավարության արտաքին քաղաքականության առաջնահերթություններից է: Հայաստանն ու Ադրբեջանը Իրանի լավ հարևաններն են, ուստի մենք չենք կարող աշխատել նրանցից ոչ մեկի դեմ: Իրանի արտաքին քաղաքականությունը հավասարակշռված է»,- ասել է ԱԳ նախարարը՝ հավելելով, որ պատրաստվում է հարմար ժամանակ այցելել Հայաստան եւ Ադրբեջան: