Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-09-21 22:07
Հասարակություն

Անկախության կորստի երեքամյակը

Անկախության կորստի երեքամյակը
Այսօր, ես ոչ ոքի չեմ շնորհավորելու և շնորհավորանքի ևս չեմ սպասում մի պարզ պատճառով՝ մենք չունենք անկախություն:
 
Հայրենիքը, պետությունը, անկախ պետությունը սկուտեղի վրա մատուցվեցին թշնամուն: Այն թշնամուն, որը 1994 թվականին Անկախ Հայաստանից ու Հզոր Հայկական Բանակից զինադադար աղերսեց:
 
Այսօր, անհայրենիք մատուցողները գունագեղ տոնակատարություն են անելու, որպեսզի նշեն իրենց հաղթանակը՝ Անկախության կորստի երեքամյակը:
 
Անկախության երեսնամյակը պետք է լիներ զինվորական շքերթով, անկախությունը կերտողների, պահողների և անկախության սերնդի մասնակցությամբ: Անհայրենիք խմբակը դարձավ նրանց բոլորի գերեզմանափորը:
 
Ի՞նչ անկախության տոն, եթե մենք կորցրել ենք մի ողջ անկախության սերունդ, որոնցից յուրաքանչյուրն իր ներդրումը պետք է ունենար Անկախ Հայաստանի զարգացման գործում:
 
Ի՞նչ անկախության տոն, երբ մենք չունենք Արցախ:
 
Սակայն սա չի նշանակում, որ անկախությունը կերտողները, պահողները և անկախության սերունդը պարտվել են անհայրենիք խմբակին: Երբե՛ք:
 
Մեր հերոսների ոտնահետքերով սկսված պատմությունը, մեր սերնդի ոտնահետքերով չի կարող ավարտվել, իսկ պատմությունն ունի ոտնահետքեր: Պատմությունը հաղթողներն են գրում: Հայրենիքը լոկ աշխարհագրական տարածք չէ, այն սուրբ հող է, որը ոչ ոքի չեն զիջում: Մեր այսօրվա հերոսները՝ Արշակյան Գևորգը, Նազարյան Աբգարը, Հովհաննիսյան Ալբերտը, Մեհրաբյան Արենը, Հակոբյան Արթուրը, Ամալյան Վարդանը, Մանուկյան Վաչագանը և բոլոր մեր մյուս հերոսները, առանց մեզ հարցնելու իմաստավորել են մեր կյանքը՝ իրենցը զոհելով հանուն մեզ ու մեր ապագայի:
 
Հավատում եմ, որ ազգը իր մեջ կվերագտնի ուժ և իմաստնություն նոր հաղթանակներ կերտելու և անկախությունը վերականգնելու համար:
 
Իրական անկախության հոբելյաններ մենք դեռ կունենանք...
 
Ռուբինա Պետրոսյան


բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը