Սաուդյան Արաբիայում արդեն կին զինծառայողներ կան

Սաուդյան Արաբիայի կին զինծառայողների առաջին խումբը մարտական պատրաստություն է անցել. հայտնում է Arab News–ը։ Զինված ուժերում կանայք մայիսի 30-ից սեպտեմբերի 1-ը վերապատրաստվել են ԶՈւ կանանց պատրաստման կենտրոնում:

Զինված ուժերի կրթության և ուսուցման վարչության պետ, գեներալ-մայոր Ադել ալ Բալավին հանդես է եկել ելույթով, որում ասել է․ «Կենտրոնը կարևոր առաքելություն ունի՝ ապահովել գերազանց ծրագիր և ուսումնական պլան, ինչպես նաև  ուսուցման իդեալական միջավայր... Դա արվում է (նորակոչիկների) կարիքներին բավարարող որակով՝ միջազգային չափանիշներին համապատասխան: Սա ուղղված է ընդհանուր արտադրողականության բարձրացմանը, ինչը հետագայում կնպաստի նախարարության նպատակներին հասնելուն»։

Սաուդյան Արաբիայում կանայք բանակ են զորակոչվել 2021 թվականի փետրվարին: