Սաուդյան Արաբիայում 5 եմենցու են գլխատել

Այսօր Սաուդյան Արաբիայում Եմենի 5 քաղաքացու մահապատիժ է ի կատար ածվել: Ըատ երկրի ՆԳՆ-ի` նրանք մեղադրվել են թագավորության հպատակի սպանության եւ գողությունների մեջ. տեղեկացնում է ИТАР-ТАСС-ը:

Սաուդյան Արաբիայում մահապատիժ է սահմանված սպանության, բռնաբարության, դավանափոխ լինելու, զինված կողոպուտի եւ թմրանյութերի վաճառքով զբաղվելու համար:

Amnesty International-ի տվյալներով` այս տարի երկրում արդեն 46 մարդ է մահապատժի ենթարկվել, իսկ անցյալ տարի` 82: Թագավորությունը բազմիցս դատապարտվել է Արեւմուտքի կողմից մեծաթիվ մահապտիժների, մարդու իրավունքների խախտումների եւ հրապարակավ գլխատման դաժան պրակտիկայի համար: