Ահռելի թվով ժողովուրդ ունի վենդետայի բարոյական իրավունք․ բայց մեր պարտքն է լինելու թույլ չտալ դա

«Բարոյական տեսանկյունից՝ այս իշխանության կողմից հնչեցվող վենդետայի իրավունքն ունեն առնվազն 5 հազար զոհվածների հարազատներ, 10 հազար վիրավորների ընտանիքներ և հարազատներ, որովհետև նրանք արհեստականորեն պատերազմ են հրահրել և արել ամեն ինչ պատերազմում պարտվեու համար։ Վենդետայի իրավունք ունեն բոլոր նրանք, ովքեր կորցրել են իրենց տները, ունեզրկվել են։ Իսկ դա 35 հազար մարդ է։ Ահռելի թվով ժողովուրդ ունի վենդետայի բարոյական իրավունք։ Մեր պարտքն է թույլ չտալ դա։ Ես դա ասում եմ մի մարդու մասին, որը հրահրում է վենդետաներ»,- ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը՝ Ջերմուկ քաղաքում հանդիպելով ընտրողների հետ։