Պատժամիջոցների պատճառով օտարերկրացիները չեն կարողանում լքել Բելառուսի տարածքը

Բելառուսում գտնվող մեծ թվով օտարերկրյա քաղաքացիներ չեն կարողանում վերադառնալ իրենց երկրներ՝ կապված բելառուսական ավիաընկերությունների չվերթների չեղարկման և Բելառուսի տարածքով այլ ավիաընկերությունների թռիչքները դադարեցնելու փաստի հետ: Այս մասին հայտնել է Բելառուսի պետական սահմանային հանձնաժողովը:

Գերատեսչությունից նշել են, որ մեծ թվով օտարերկրացիներ դիմում են իրենց՝ տուն վերադառնալու հարցում խնդիրների վերաբերյալ տեղեկատվություն ստանալու նպատակով, սակայն Բելառուսի պետական սահմանային կոմիտեից հայտնել են, որ խնդիրն իրենց լիազորությունների շրջանակում չէ: Նրանք խորհուրդ են տվել օտարերկրացիներին դիմել իրենց երկրների դիվանագիտական և հյուպատոսական ծառայություններ:

ԵՄ առաջնորդները որոշում են կայացրել արգելել բելառուսական ինքնաթիռների թռիչքները եվրոպական օդային տարածքում, ինչպես նաև խորհուրդ տվել եվրոպական ավիաընկերություններին՝ խուսափել թռիչքներ իրականացնել Բելառուսի տարածքով: