Ուկրաինայի նախագահի աշխատակազմը խոսել է Պուտինին Կիև հրավիրելու գաղափարի մասին

Ուկրաինայի նախագահ Վլադիմիր Զելենսկու գրասենյակի ղեկավար Անդրեյ Երմակը խոսել է Ռուսաստանի նախագահ Վլադիմիր Պուտինին բանակցությունների համար Կիև հրավիրելու գաղափարի մասին:

Նա Liga.net-ին տված հարցազրույցում ասել է, որ «սխալ» է համարում Պուտինին Կիև հրավիրելը: «Ոչ, ես կարծում եմ, որ դա կոռեկտ չէ»,- ասել է Երմակը՝ պատասխանելով լրագրողի հարցին:

Ավելի վաղ ՌԴ ղեկավարը հայտարարել էր, որ եթե Զելենսկին ցանկանում է սկսել վերականգնել հարաբերությունները, ապա Ռուսաստանը դա միայն կողջունի: Պուտինը հավելել էր, որ պատրաստ է Ուկրաինայի նախագահին  ընդունել Մոսկվայում՝ նրան հարմար ցանկացած պահի:

Ավելի ուշ Ուկրաինայի փոխվարչապետ Ալեքսեյ Ռեզնիկովը մեկնաբանել էր Պուտինի առաջարկը՝ դա անհնար համարելով, և նշել էր, որ նման բան հնարավոր կլինի միայն Նորմանադական ձևաչափով։