Ուկրաինայի հարցով Թրամփի հատուկ ներկայացուցիչը ժամանել է Կիև

Ուկրաինայի և Ռուսաստանի հարցերով ԱՄՆ նախագահ Դոնալդ Թրամփի հատուկ ներկայացուցիչ Քիթ Քելոգը չորեքշաբթի օրը՝ փետրվարի 19-ին, ժամանել է Կիև։ Այս մասին հայտնում է Suspilne-ը, գրում է «European Truth»-ը։

ԱՄՆ հատուկ ներկայացուցչին դիմավորել է Ուկրաինայում Վաշինգտոնի դեսպան Բրիջիթ Բրինքը։ 

Մեկնաբանելով իր այցը Կիև՝ Քելլոգն ասել է, որ «սա լավ պոտենցիալ բանակցություններ վարելու հնարավորություն է»։

«Մենք կլսենք: Մենք պատրաստ ենք տրամադրել այն, ինչ անհրաժեշտ է: Մենք հասկանում ենք անվտանգության երաշխիքների անհրաժեշտությունը: Իմ առաքելության մի մասը լսելն է: Այնուհետև ես կվերադառնամ Միացյալ Նահանգներ, կխոսեմ նախագահ Թրամփի հետ: Համոզվելու համար, որ մենք ամեն ինչ ճիշտ ենք հասկանում», - ասաց նա:

Քելլոգն ասել է, որ կարծում է, որ «պատերազմը չէր սկսվի, եթե այն ժամանակ Թրամփը լիներ նախագահ»:

«Նա հասկանում է, որ մարդիկ տառապում են, հասկանում է, թե ինչ ավերածություններ կան, և մենք ուզում ենք, որ սա ավարտվի»,- նշեց նա։

Հարկ է նշել, որ Քելլոգի այցը տեղի է ունենում Սաուդյան Արաբիայում ռուսական և ամերիկյան պատվիրակությունների բանակցությունների ֆոնին, որին Ուկրաինան հրավիրված չէր։