Սիրիան հայտարարել է, որ ԱՄՆ-ը և Եվրամիությունը ձգտում են ապակայունացնել իրավիճակը երկրում

Բրյուսելում անցկացվող միջազգային դոնոր համաժողովի որոշումը Սիրիա մարդասիրական օգնություն տրամադրելու վերաբերյալ՝ առանց միակողմանի պատժամիջոցները չեղյալ հայտարարելու, տնտեսական ահաբեկչության տեսակ է: Այս մասին, ըստ SANA գործակալության, ասվում է Սիրիայի Արաբական Հանրապետության արտաքին գործերի նախարարության հայտարարության մեջ:

«Սիրիայի ժողովրդին կոլեկտիվ պատժի ենթարկելու քաղաքականությունը, որը վարում են Միացյալ Նահանգները և Եվրամիությունը, ուղղված է Սիրիայում իրավիճակի ապակայունացմանը,- ասվում է փաստաթղթում:- Միևնույն ժամանակ, Արևմուտքը լուսաբանում է ահաբեկչական խմբավորումների և անջատողական ուժերի գործունեությունը»:

Նշվում է, որ «Բրյուսելում հինգերորդ անգամ անցկացվող համաժողովը վերածվել է Դամասկոսի դեմ շանտաժի ու ճնշման գործիքի»: Բացի այդ՝ հայտարարված օգնության մի զգալի մասը «ուղղվել է հարևան երկրներ ու սիրիական պետության վերահսկողությունից դուրս գտնվող տարածքներ»:

Սիրիայի արտաքին գործերի նախարարությունը դատապարտում է ՄԱԿ-ի համանախագահությունը Բրյուսելում կայացած ֆորումում, որն անցել է առանց Սիրիայի կառավարության՝ մարդասիրական գործողություններում միջազգային հանրության հիմնական գործընկերոջ մասնակցության: Դամասկոսում նման քայլը գնահատվում է որպես «Սիրիայի ինքնիշխանության նկատմամբ անհարգալից վերաբերմունք և ՄԱԿ-ի կանոնադրության խախտում»: