ՏԵՍԱՆՅՈՒԹ․ Փաշինյանը փախուստի ռեժիմում է մինչև օրս․ Էդգար Ղազարյան

Նիկոլ Փաշինյանը փախուստի ռեժիմում է գտնվում մինչև օրս՝ ըստ Yerkir.am-ի ասաց ՍԴ աշխատակազմի նախկին ղեկավար, Լեհաստանում նախկին դեսպան  Էդգար Ղազարյանը։

Նա նկատեց, որ, ճիշտ է, հիմա Փաշինյանը բունկերում չէ, բայց անվտանգության բացառիկ միջոցառումներով իրականացվում է նրա կեցավայրի, աշխատավայրի անվտանգությունը, գաղտնի են պահվում նրա մարզային այցելությունները, աշխատավայրից դուրս ցանկացած հանդիպումներ:

Էդգար Ղազարյանը նաև նշեց, որ, բացի ուժային կառույցների կողմից Նիկոլ Փաշինյանին ցուցաբերվող անձնական, ֆիզիկական պաշտպանության հանգամանքներից, գոյություն չունի երկրորդ գործոն, որը կարող է նրան պահել իշխանության:

Ամենից լավ, ըստ նրա, դա հենց Նիկոլ Փաշինյանն է հասկանում։

«Նա այդ փաստաթուղթը ստորագրել էր ավելի շուտ, քան Ռուսաստանի եւ Ադրբեջանի նախագահները: Ես հասկանում եմ՝ ինչի համար, որ ստորագրի եւ գնա պատսպարվի: Կարծում եմ, մյուս կողմերը ընդառաջ էին գնացել նրան: Նա հասկացել է, որ եթե դա անի ուղիղ եթերում, ինչ հետեւանքներ դա կարող է ունենալ իր համար»,-նշեց Էդգար Ղազարյանը:

Նա հիշեցրեց, որ Փաշինյանը մի քանի օր չէր հայտնում իր գտնվելու վայրը, անգամ նշվում էր, որ հանրապետությունն է լքել:

«Ես չեմ կարծում, որ նորմալ, տրամաբանական որոշում ընդունած որեւէ պաշտոնյա կարող է փախչել ու պատսպարվել: Նա այդ ռեժիմում գտնվում է մինչ օրս»,-ասաց Ղազարյանը:

Մանրամասն՝ տեսանյութում․