Մոսկվան դիտավորյալ է համարել Ադրբեջանի կողմից Մի-24 ուղղաթիռի ոչնչացումը

Ռուսաստանի ռազմական հետաքննությունը խստացրել է այն հոդվածը, ըստ որի՝ հետաքննվել է Ադրբեջանի հակաօդային պաշտպանության կողմից Հայաստանում Մի-24 ուղղաթիռի ոչնչացման դեպքը: Եթե ավելի վաղ խոսքը ՌԴ Քրեական օրենսգրքի 351-րդ հոդվածի մասին էր՝ «Թռիչքների կանոնների խախտում կամ դրանց նախապատրաստում, որոնք անզգուշությամբ մահվան պատճառ են դարձել», ապա գործը վերադասակարգվել է «Երկու կամ ավելի անձանց դիտավորյալ սպանություն» հոդվածով:

«Ինտերֆաքս»-ը, վկայակոչելով իր աղբյուրները, հայտնում է, որ հոդվածը խստացնելու որոշում է կայացվել քննչական եւ օպերատիվ գործողությունների արդյունքների հիման վրա:

Միևնույն ժամանակ, գործակալության աղբյուրը դժվարացել է ասել, թե որքան կտևի հետաքննությունը:

«Կան որոշակի դժվարություններ` կապված այն բանի հետ, որ կասկածյալները գտնվում են մեկ այլ պետության տարածքում»,- ասել է նա: