Բացառիկ մանրամասներ՝ կառավարական ամառանոցում կայացած ՔՊ նիստից

Mediaport-ի տեղեկություններով՝ ժամը 00:30-ի շրջանակներում ավարտվել է կառավարական ամառանոցում տեղի ունեցած «Քաղաքացիական պայմանագիր» կուսակցության խորհրդի նիստը:

Նիկոլ Փաշինյանը վախեցած է եղել, որ Արցախի Հանրապետության ևս 3 բնակավայրի թշնամուն հանձնելու, նոր վիրավորների թեման կարող է կրկին հանրային հուզումների առիթ դառնալ:

Այդ պատճառով ուժային բոլոր կառույցներում տագնապ է հայտարարել, որպեսզի, եթե վրդովված ժողովուրդը կրկին հարձակվի իր առանձնատան և կառավարության շենքի վրա լինի դիմադրություն: Նույն պատճառով նաև կառավարական առանձնատուն է տարվել Հ1-ի շարժական կայանը, որպեսզի անհրաժեշտության դեպքում նա դիմի ժողովրդին:

Տեսնելով հանրային ճնշման բացակայությունը՝ Փաշինյանը թիմակիցներին ասել է հրաժարական չի տալու, պետք է շարունակեն իրավիճակից ելքեր փնտրել:

Ավելի ուշ, կառավարության առանձնատուն է կանչել ՀՔԾ պետ Սասուն Խաչատրյանին և առաջիկա ձերբակալվողների մասով հանձնարարականներ է տվել:

Ձերբակալվողների թվում լինելու են հիմնականում բարձրաստիճան զինվորականներ, որոնց քավության նոխազ դարձնելով՝ Փաշինյանը փորձելու է պարտության մեղքն ու պատասխանատվությունը գցել իր վրայից: