Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 4 տարի առաջ - 2020-11-14 10:02
Քաղաքական

Գործողությունների պլան․ Արա Զոհրաբյանի հայտարարությունը

Գործողությունների պլան․ Արա Զոհրաբյանի հայտարարությունը

ՀՀ փաստաբանների պալատի նախագահ Արա Զոհրաբյանը իր ֆեյսբուքյան էջում գրել է․ «ԳՈՐԾՈՂՈՒԹՅՈՒՆՆԵՐԻ ՊԼԱՆ․ Ստեղծված ստրկացուցիչ և կործանարար վիճակից դուրս գալու համար, իմ կարծիքով, պետք է կատարել հետևյալ քայլերը՝

1) վարչապետ Նիկոլ Փաշինյանը տալիս է հրաժարական.
2) ձևավորվում է ժամանակավոր կառավարություն.
3) Ժամանակավոր կառավարությունը Նիկոլ Փաշինյանի կողմից ստորագրված համաձայնագրի դրույթները համարում է անվավեր, բացառությամբ համաձայնագրի 1-ին կետի (հրադադարի պահպանման), 3-րդ կետի (ՌԴ խաղաղապահ ուժերի տեղակայման) և 8-րդ կետի (ռազմագերիների, ձերբակալվածների և մահացածների փոխանակման).
4) Ժամանակավոր կառավարությունը օգտագործելով Հայաստանի բոլոր հնարավոր ռեսուրսները և մարդկանց, բանակցում է Հայաստանի և Արցախի համար առավել արժանապատիվ վիճակ ստեղծելու համար:
 
Հնարավոր կանխատեսումները՝
 
- Նիկոլ Փաշինյանն իր հրաժարականով կարող է մաքրվել, եթե այս նոր գործընթացով Հայաստանը և Արցախն ավելի լավ լուծում ստանան: Հայրենասեր լինելու դեպքում, վարչապետը չի կարող այս հնարավորությունից չօգտվել:
- Եթե այս ստրկացուցիչ պայմաններով գործարքն իրականանա, ապա հայ-ռուսական հարաբերությունները կտուժեն:
- Նիկոլ Փաշինյանի ստորագրած փաստաթղթով Ադրբեջանը Հայաստանի նկատմամբ վնասի հատուցման (մոտ 50 միլիարդ դոլարի) պահանջ է ներկայացնելու, քանի որ Նիկոլ Փաշինյանը համաձայնագրի տեքստում օգտագործել է «Հայաստանը վերադարձնում է Աղդամի, Քելբաջարի, Լաչինի տարածքները» բառերը: Եթե օրինակ, դրա փոխարեն նշվեր, որ Հայաստանը ապահովելու է, որ Արցախը կվերադարձնի այդ տարածքերը, ապա այդ խնդիրը չէր լինի:
- Համաձայնագրում մինչև նոյեմբերի 15-ը վերադարձնելու համար, որպես առաջին տարածք, դիտավորյալ նշվել է Քելբաջարը, որն անառիկ է մնացել և Հայաստանին ու Արցախին կապող հուսալի միջոցն է: Այս տարածքը հանձնելու դեպքում, համաձայնագիրն անխուսափելիորեն կիրագործվի:
- Նիկոլ Փաշինյանի ստորագրած փաստաթուղթը մոտ ապագայում հանգեցնելու է պատերազմի՝ Արցախ վերադարձած ադրբեջանցիների հակահայ կեցվածքի, Հայաստանի տարածքում Ադրբեջան-Նախիջևան կապի ապահովման, Արցախի ինքնորոշման անորոշ ապագայի առիթներով:
Հիշեցում պաշտոնատար անձանց՝
- Իրավապահ մարմինների, Ազգային ժողովի պատգամավորների և կառավարության անդամների կողմից Նիկոլ Փաշինյանի ստորագրած փաստաթղթի իրագործմանը նպաստելը նրանց ուսերին է դնում ողջ պատասխանատվությունը և դարձնում է համաստորագրողներ:
- Հրաժարական ներկայացրած կամ իրենց հստակ մերժողական կեցվածքն արտահայտած պաշտոնատար անձինք համաստորագրող չեն համարվի:
- Իրավապահ մարմինների պաշտոնատար անձինք (այդ թվում՝ ոստիկանները) պետք է հիշեն, որ սա սովորական ներքաղաքական վիճակ չէ և քաղաքացիների նկատմամբ դաժան վերաբերմունքի համար պատասխան են տալու օրենքի ամբողջ խստությամբ, ինչպես նաև համարվելու են Նիկոլ Փաշինյանի ստորագրած փաստաթղթի համաստորագրողները»:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը