Նաիրա Զոհրաբյանի ուշագրավ հայտարարությունը

ԲՀԿ ղեկավար Նաիրա Զոհրաբյանը Yerkir.am-ի հետ զրույցում այսօր ուշագրավ հայտարարություն արեց` վստահեցրեց, թե կուսակցությունում ամեն ինչ նորմալ է, նորմալ են նաև Աբրահամ Մանուկյանի հետ հարաբերությունները:

«Աբրահամ Մանուկյանի հետ մեր վատ հարաբերությունների մասին մամուլի որոշ ներկայացուցիչներ հատուկ են գրում, նման բան չկա, կուսակցությունում ամեն ինչ կարգին է»,- ասաց նա:

Դիտարկմանը, թե, փաստորեն, մամուլի ներկայացուցիչները հատուկ են անում, Զոհրաբյանը պատասխանեց. «Այո, իհարկե»:

Ի դեպ, Զոհրաբյանը չցանկացավ այլևս խոսել իրենց կուսակցության մասին, և չհասցրեցինք հիշեցնել նրան, որ ինքն էլ է անձամբ ամենատարբեր առիթներով ակնարկել իր ու Աբրահամ Մանուկյանի վատ հարաբերությունների, հարցազրույցներում մշտապես ակնարկել է կուսակցությունում առկա «խառնակչի» մասին, անգամ խոսվում էր Աբրահամ Մանուկյանին կուսակցությունից հեռացնելու մասին: