Ըստ Մերկելի՝ ԵԱՀԿ Մինսկի խումբը «համապատասխան ֆորում» է ԼՂ հիմնախնդրի բանակցությունների համար

Գերմանիայի կանցլեր Անգելա Մերկելը հեռախոսազրույցներ է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիեւի հետ ու քննարկել երկու երկրների միջև հակամարտության սրումը։ Այս մասին գրում է ՏԱՍՍ-ը՝ Գերմանիայի կառավարության ներկայացուցիչ Շտեֆեն Զայբերտին հղումով:

Փաշինյանի հետ զրույցը կայացել է երկուշաբթի, իսկ Ալիևի հետ՝ երեքշաբթի: «Կանցլերն ընդգծել է հրադադարի անհապաղ դադարեցման ու բանակցությունների սեղան շուրջըվերադառնալու անհրաժեշտությունը»,- մանրամասնել է ներկայացուցիչն ու հավելել, որ կանցլերն այն կարծիքին է, որ ԵԱՀԿ Մինսկի խումբն այսպիսի բանակցությունների համար «համապատասխան ֆորում» է։

Մերկելը շեշտել է նաև, որ հարևան երկրները պետք է իրենց ավանդն ունենան հակամարտության խաղաղ կարգավորման գործում: