Դատարանը բավարարել է ԱԻՊ գրասենյակի շահառու բոլոր պահանջները․ գործատուն պարտավոր է նաև խոշոր գումար վճարել

Իրավաբանական օգնության խնդրանքով աշխատանքային իրավունքների պաշտպանության գրասենյակ էր դիմել քաղաքացի Ռ.Մ.-ն «Շառոյան եղբայրներ» ՍՊԸ-ի («Մուսալեռ» սուպերմարկետի) տնօրենի կողմից թույլ տված աշխատանքային իրավունքի խախտումները բողոքարկելու  համար:

ԱԻՊ գրասենյակը հայցադիմում  էր ներկայացրել դատարան՝ քաղաքացի Ռ.Մ.-ի  աշխատանքային պայմանագրի լուծման հրամանը անվավեր ճանաչելու, պարապուրդի աշխատավարձի և դրան հավելագրված տոկոսների գումարը, չօգտագործված ամենամյա արձակուրդի փոխհատուցման բռնագանձման, ժամանակացույցով չնախատեսված հանգստյան և ոչ աշխատանքային օրերին կատարած աշխատանքի դիմաց վարձատրության պահանջի մասին:  

Առաջին ատյանի դատարանը բավարարել է հայցադիմումը ամբողջությամբ՝   

1. Անվավեր ճանաչել «Շառոյան եղբայրներ» ՍՊ ընկերության 05.04.2019 թվականի հրամանը՝ Ռ.Մ.-ի  թիվ 09/17 աշխատանքային պայմանագրի լուծելու մասին:

2. Անվավեր ճանաչել «Շառոյան եղբայրներ» ՍՊ ընկերության 03.04.2019 թվականի հրամանը՝ վաճառող-գանձապահ Ռ.Մ.-ին  նյութական պատասխանատվության ենթարկելու մասին:

3. «Շառոյան եղբայրներ» ՍՊ ընկերությունից հօգուտ Ռ.Մ.-ի  բռնագանձել հարկադիր պարապուրդի ամբողջ ժամանակահատվածի համար միջին աշխատավարձի գումարը:

4. «Շառոյան եղբայրներ» ՍՊ ընկերությունից հօգուտ  Ռ.Մ.-ի  բռնագանձել 2019 թվականի հունվար, փետրվար, մարտ ամիսների չվճարված աշխատավարձի 234.000 ՀՀ դրամ գումարը և այդ գումարին հաշվարկել 0,15 տոկոսի չափով տուժանքի գումար՝ կետանցի օրվանից մինչև պարտավորությունների փաստացի կատարումը:

5. «Շառոյան եղբայրներ» ՍՊ ընկերությունից հօգուտ Ռ.Մ.-ի   բռնագանձել աշխատած 14 տոնական և հիշատակի օրերի հավելումների գումարը՝ 87․360 ՀՀ դրամի չափով, ինչպես նաև աշխատանքային ժամանակացույցով չնախատեսված հանգստյան 57 օրվա համար՝ 355.680 ՀՀ դրամի չափով:

6. «Շառոյան եղբայրներ» ՍՊ ընկերությունից հօգուտ Ռ.Մ.-ի  բռնագանձել 1 տարի 4 ամսվա չօգտագործված ամենամյա արձակուրդի դիմաց փոխհատուցում 102.960 ՀՀ դրամի չափով: 

Ձեր աշխատանքային իրավունքները պաշտպանելու, սոցիալական նպաստների, կենսաթոշակների և այլ սոցիալական հարցերով անվճար խորհրդատվություն և փաստաբանական ծառայություններ ստանալու նպատակով կարող եք դիմել «Հրայր Մարուխեան» հիմնադրամի աջակցությամբ գործող Աշխատանքային իրավունքների պաշտպանության գրասենյակ

hեռ.՝ 094-99-65-04, 096-99-66-04, hասցե՝ ք. Երևան, Շենգավիթ, Գ. Նժդեհի 8

Աշխատանքային իրավունքների պաշտպանության գրասենյակի իրավաբան Արթուր Նարինյան