Թուրքիան Մանազկերտի ճակատամարտի 950-ամյակի կապակցությամբ կվերաբացի Անիի մզկիթը

Թուրքիայի Կարս նահանգում գտնվող պատմական Հայաստանի Անի մայրաքաղաքի՝ սելջուկ-թյուրքերի կողմից 1072 թվականին կառուցված հնագույն Մանուչեի մզկիթը թուրքական իշխանությունների կողմից կվերանորոգվի և կվերաբացվի 2021 թ. օգոստոսի 26-ին՝ Մանազկերտի ճակատամարտի 950-ամյակի կապակցությամբ։

UNESCO-ի Համաշխարհային ժառանգության ցուցակում գտնվող Անիի ավերակներում գտնվող մզկիթը կառուցվել 1072 թ. և համարվում է Հայկական լեռնաշխարհում թյուրքերի կողմից կառուցված առաջին իսլամական աղոթավայրը։

Վերականգնողական աշխատանքները կիրականացվի Թուրքիայի Արդյունաբերության և տեխնոլոգիաների նախարարության Զարգացման գործակալությունների գլխավոր վարչության վերահսկողությամբ։

Նշենք, որ Մանուչեի մզկիթը իսլամական աղոթավայր դառնալուց առաջ ծառայել է որպես քաղաքային մաքսատուն (կամ պահակատուն)։ Անիի Բագրատունյաց թագավորության անկումից հետո Անիի նոր տերը՝ քրդական Շադդադյանների հիմնադիր Մանուչեն, ով հայոց Աշոտ Դ թագավորի դստեր որդին էր, շինությանն ավելացնում է մինարեթներ և դարձնում մզկիթ։

Թուրքերը Մանուչեին համարում են թուրք և նշում են, որ Էբուլ Մենիչեհր մզկիթը համարվում է առաջին թյուրքական մզկիթներից մեկն է տարածաշրջանում։

Հիշեցնենք, որ Մանազկերտի ճակատամարտը տեղի է ունեցել 1071 թ.՝ սելջուկ-թյուրքերի և բյուզանդացիների միջև։