ԱՄՆ-ը հնարավոր է չմասնակցի Գալիպոլիի ճակատամարտի 100-ամյակի միջոցառումներին

ԱՄՆ-ը հնարավոր է ներկայացված չլինել Թուրքիայում կայանալիք` Գալիպոլիի ճակատամարտի 100-ամյակի միջոցառումներին: Այդ մասին հայտարարել է Բաքվում ԱՄՆ դեսպան Ռոբերտ Սեկուտան. հայտնում է АПА-ն:

«Այս կամ այն միջոցառմանը ԱՄՆ պաշտոնատար անձանց մասնակցության վերաբերյալ որոշումը կայացնում է պաշտոնական Վաշինգտոնը: Կարող եմ ասել միայն` քանի որ ԱՄՆ-ը չի մասնակցել Առաջին համաշխարհային պատերազմին, հնարավոր է, որ մեր երկիրը չմասնակցի Չանաքքալեի ճակատամարտին նվիրված միջոցառումներին»,- ասել է Սեկուտան:

Հիշեցնենք, որ Հայոց ցեղասպանության 100­-րդ տարելիցին Ամերիկայի Միացյալ Նահանգները պաշտոնապես ներկայացված կլինի Ծիծեռնակաբերդում, իսկ պատվիրակության կազմը կնշանակվի անձամբ երկրի նախագահ Բարաք Օբամայի կողմից: