Մահացել է հայտնի դիվանագետ Ռուբեն Շուգարյանը

58 տարեկանում մահացել է հայտնի դիվանագետ Ռուբեն Շուգարյանը:

Այս առնչությամբ Հեռուստատեսության եւ ռադիոյի հանձնաժողովի նախագահ Տիգրան Հակոբյանը Facebook-ի իր էջում գրել է. «Անկախ Հայաստանի ամենափայլուն, պրոֆեսիոնալ դիվանագետներից մեկը (ՀՀ դեսպանն էր ԱՄՆ-ում, Իտալիայում, փոխարտգործնախարար էր, հեռացվեց դիվանագիտական ծառայությունից 2008 թ. մարտին սկզբունքային դիրքորոշման համար):

Միայն եւ միայն մեր երկրի շահերով առաջնորդվող պետական գործիչ, լավ ընկեր, համեստ մարդ... Շատ-շատ ափսոս է»:

Ռուբեն Շուգարյանի աշխատանքային գործունեությունը

1985-1990թթ․ անգլերենի դասախոս, Երևանի պոլիտեխնիկական համալսարան

1990-1991թթ․ ՀԽՍՀ Գերագույն խորհրդի արտաքին գործերի փորձագիտական հանձնաժողովի ավագ փորձագետ-խորհրդատու

1991-1993թթ․ արտաքին կապերի գծով ՀՀ նախագահի օգնական, մամլո քարտուղար

1993-1999թթ․ ԱՄՆ-ում ՀՀ արտակարգ և լիազոր դեսպան

1999-2005թթ․  ՀՀ արտաքին գործերի նախարարի տեղակալ

2003-2004թթ․ Հայաստանի սլավոնական համալսարանում քաղաքագիտության հրավիրյալ դասախոս

2005-2008թթ․ Իտալիայում, Իսպանիայում և Պորտուգալիայում ՀՀ արտակարգ և լիազոր դեսպան (նստավայր՝ Հռոմ)

2008թ-ից հրավիրյալ դասախոս, գիտնական, Ֆլեթչերի իրավունքի և դիվանագիտության դպրոց, Թաֆթսի համալսարան

Դիվանագիտական աստիճան՝

Արտակարգ և լիազոր դեսպան

Պարգևներ և հարգանքի տուրքեր՝

1999թ․ ծառայության և առաջին դեսպանատան ստեղծման գործում Հայաստանին նվիրվածության համար հատուկ հրաժեշտի հարգանքի տուրք է մատուցվել  Վաշինգտոն-Բալթիմոր հայ համայնքի կողմից :

1999թ․ ԱՄՆ Ներկայացուցիչների պալատի կողմից հատուկ հրաժեշտի արարողություն հայ-ամերիկյան հարաբերություններում առանձնահատուկ նվաճումների համար:

1995թ. Ամերիկայի հայ ուսանողների ասոցիացիայի կողմից ներկայացված Արթուր Հ. Դադյանի «Ժառանգություն» ամենամյա մրցանակաբաշխության մրցանակակիր

Այլ գործունեություն՝

1993-1999թթ. Վաշինգտոնի Կոսմոս Ակումբի անդամ

2000-2005թթ. ԱՄՆ-Հայաստան աշխատանքային խմբի անդամ

2004թ-ից  Հայաստանի Գիտությունների և  առաջատար տեխնոլոգիաների ազգային հիմնադրամի գիտական խորհրդի անդամ:

2000-2005թթ․ Ազգային և միջազգային հետազոտությունների հայկական կենտրոնի գիտական խորհրդի անդամ

2004-2005թթ․ Հայոց ցեղասպանության 90-րդ տարելիցի կապակցությամբ կառավարության աշխատանքային խմբի ղեկավար

Օտար լեզուներ՝

Անգլերեն, ռուսերեն, իտալերեն, գերմաներեն