ՀՅԴ Երևանի Քաղաքային կոմիտեն առաջարկում է «ՀԻՇՈՒՄ ԵՄ ԵՎ ՊԱՀԱՆՋՈՒՄ» շրջանակը՝ մի քանի լեզուներով

ՀՅԴ Երեւանի քաղաքային կոմիտեն,

- արձագանքելով ապրիլի 24-ին դիմատետրում (ֆեյսբուքում) օգտատերերի լուսանկարները հուշային հատուկ շրջանակով օժտելու կոչերին,

- ամրագրելով 2015թ. ապրիլի 24-ին ընդունված համահայկական հռչակագրի դրույթները,

- շեշտելով ցեղասպանության հանցակազմում պարունակվող արարքների համար անպատիժ մնալու անթույլատրելիությունն ու այդ հանցագործության վաղեմության ժամկետ չունենալու հանգամանքը,

- վերահաստատելով Հայաստանի և հայ ժողովրդի հանձնառությունը՝ շարունակելու պայքարը ցեղասպանությունների կանխարգելման եւ ցեղասպանության ենթարկված ժողովուրդների ու մասնավորապես հայ ժողովրդի բարոյական, ֆինանսական եւ հողային իրավունքների վերականգնման համար,

առաջարկում է համաքաղաքացիներին՝ օգտատերերի լուսանկարների վրայ ավելացնել իր քարոզչական հանձնախմբի պատրաստած հետեւյալ՝ «Հիշում եմ և պահանջում» հուշային շրջանակը:

Շրջանակը հասանելի է հայերեն, ռուսերեն, անգլերեն, ֆրանսերեն եւ արաբերեն լեզուներով։

Հ.Գր.- Շնորհակալություն ընկ. Ս.Գասապյանին իր օժանդակության համար։