Աշխարհում կա կորոնավիրուսի ավելի քան 100 հազար վարակակիր

Ըստ Առողջապահության համաշխարհային կազմակերպության հրապարակած տվյալների՝ վերջին 1 օրում աշխարհում գրանցվել է նոր տեսակի կորոնավիրուսի ավելի քան 2800 դեպք, որոնցից 99-ը` մահվան ելքով: Այսպիսով, ընդհանուր առմամբ աշխարհում մինչ օրս կա կորոնավիրուսի ավելի քան 100 հազար վարակակիր, որոնցից միայն 80 հազար 700-ը` Չինաստանում: Ապաքինվածների թիվը հասել է 57 հազարի:

Մտահոգիչ է վիճակը Իտալիայում, Հարավային Կորեայում և հարևան Իրանում: Իտալիայում վարակակիրների թիվը 4636 է, մահացել 197-ը: Հարավային Կորեայում վարակվածների թիվը գերազանցել է 6700-ը, զոհերինը՝ 44-ը:

Իրանում պաշտոնապես հայտարարվել է` կա 4747 վարակակիր և 124 զոհ: Ադրբեջանում վարակակիրների թիվը հասել է 9-ի, Վրաստանում` 12-ի: