ՏԵՍԱՆՅՈՒԹ․ Ես չգիտեի, որ սասունցի է, ես ինքս էլ եմ սասունցի․ Արծվիկ Մինասյանը Քրիստինե Պողոսյանի պահվածքն անվայել է համարում

Պատգամավոր Քրիստինե Պողոսյանին պակասում է նվազագույն իրավական գիտելիքը՝ ըստ Yerkir.am-ի ասաց ՀՅԴ Հայաստանի ԳՄ անդամ Արծվիկ Մինասյանը մամուլի ասուլիսում՝ պատասխանելով Քրիստինե Պողոսյանի ելույթի մասին հարցին, որում պատգամավորը գնահատկան էր հնչեցրել 2014 թ-ին ՀՅԴ խմբակցության անդամ Արմեն Ռուստամյանի հայտարարությանը Հրայր Թովմասյանի մասին։

«Ոչ միայն Քրիստինե Պողոսյանից, այլև շատ այլ պատգամավորներից հաճախ լսում ենք արտահայտություններ, որոնք իրավունքի տարրական իմացության հետ կապ չունեն։ Փոխադարձ գնահատումները այն իրականության մեջ են, որտեղ ներկայացվել են, մնացած զարգացումները մեզ համար ընդունելի չեն»,-ասաց նա։

Արծվիկ Մինասյանի համոզմամբ՝ Քրիստինե Պողոսյանի պահվածքը վայել չէր ԱԺ պատգամավորին․ «Ես չգիտեի, որ սասունցի է, ես ինքս էլ եմ սասունցի, այդ արտահայտություները որոշ առումով նաև վիրավորական էին»։

Աննա Բալյան