Մհեր Ջուլհաջյանն այսօր կդառնար 52 տարեկան

Մհեր Ջուլհաջյանն սփյուռքահայ ազատամարտիկ է: Ծնվել է 1967 թվականի նոյեմբերի 28-ին Լիբանանի Բեյրութ քաղաքում։ 1978 թվականին Մհեր Ջուլհաճյանը ծնողների հետ հաստատվել է Պուրճ Համուտում, որտեղ և անդամակցել է ՀՅԴ «Նավասարդյան» պատանեկան միությանը:

1989 թվականի դեկտեմբերին ստացել է գիտության պսակավորի վկայական և նշանակվել ՀՅԴ «Բաբկեն Սյունի» պատանեկան միության վարիչ: 1990 թվականի հոկտեմբերին երդում է տվել և անցել ՀՅԴ «Զավարյան» ուսանողական միության շարքերը։

Մհեր Ջուլհաճյանը զոհվել է 1993 թվականի օգոստոսի 23-ին Արցախի Մարտունու շրջանի Մարզիլի գյուղի մոտ, երբ իր չորս մարտական ընկերների հետ  ստուգում էին Արցախի պաշտպանության բանակի առաջապահ ուժերի դիրքերը։ Նրա աճյունն ամփոփված է Եռաբլուր հուշահամալիր-պանթեոնում։ Նկարահանվել է ֆիլմ՝ նվիրված Մհեր Ջուլհաճյանին և կրում է «Մհեր» վերնագիրը։