ԻՊ-ը ստանձնել է Ռուսաստանի ռազմական ոստիկանության միկրոավտոբուսի պայթյունի պատասխանատվությունը

«Իսլամական պետություն» ահաբեկչական խմբավորումը ստանձնել է Ռուսաստանի ռազմական ոստիկանության պարեկապահակային միկրոավտոբուսում երկու ռումբի պայթեցման պատասխանատվությունը, հայտնում է ամերիկյան «SITE Intelligence Group»-ը, որը վերահսկում է ծայրահեղականների տեղեկատվական գործունեությունը:

Ավելի վաղ Սիրիայում հակամարտող կողմերի հաշտեցման ռուսական կենտրոնի ղեկավար Ալեքսեյ Բակինը հայտարարել էր, որ հոկտեմբերի 11-ին` ժամը 10.25-ին, Սիրիայի հարավում գտնվող Դերյա նահանգում զինյալները 20 րոպե տարբերությամբ երկու ռումբ են նետել Ռուսաստանի ռազմական ոստիկանության պարեկապահակային ծառայության միկրոավտոբուսի վրա: Ռուսական զորքերից տուժածներ չկան: