ԱՄՆ պաշտոնյաներն առիթը բաց չեն թողնում իրականությունը խեղաթյուրելու համար. Իրանի ԱԳՆ խոսնակ

Իրանի ԱԳՆ պաշտոնական ներկայացուցիչ Սեյեդ Աբաս Մուսավին մեկնաբանել է ԱՄՆ պետքարտուղար Մայք Պոմպեոյի՝ Իրանի ԱԳ Նախարարի Վենեսուելա այցի կապակցությամբ թվիթերյան գրառումը:

«Իրանի ԱԳ Նախարարը Վենեսուելա է այցելել՝ մասնակցելու Չմիավորված երկրների շարժման ԱԳ Նախարարների նիստին: ԱՄՆ պաշտոնյաները, սակայն, ցանկացած առիթ օգտագործում են հակաքարոզչության եւ իրականությունը խեղաթյուրելու համար»,- ԻՌՆԱ-ի հետ զրույցում ասել է Իրանի ԱԳՆ մամուլի խոսնակը:

Նշենք, որ նախօրեին ԱՄՆ պետքարտուղար Մայք Պոմպեոն, անդրադառնալով Զարիֆի այցին Վենեսուելա, Twitter-ի իր միկրոբլոգում գրել էր, թե դա հավելյալ ապացույց է, որը վկայում է Իրանի ապակայունացող գործողությունների ընդլայնման մասին: