ՌԴ-ն պատրաստ է երկխոսել ԱՄՆ-ի հետ զինաթափման շուրջ. Պուտին

Ռուսաստանը պատրաստ է ակտիվացնել զինաթափման և ռազմավարական կայունության հարցերի շուրջ ԱՄՆ-ի հետ երկխոսությունը: Այդ մասին հայտարարել է ՌԴ նախագահ Վլադիմիր Պուտինը  իտալական Corriere della Sera թերթին տված հարցազրույցում` նշելով, որ այդ հարցերի շուրջ անցյալ ամիս Ճապոնիայում` G20-ի գագաթնաժողովի շրջանակում, քննարկումներ է ունեցել իր ամերիկացի պաշտոնակից Դոնալդ Թրամփի հետ. հայտնում է Голос Америки-ն:

«Ես կարծում եմ, որ զինաթափման ոլորտում հստակ միջոցների ձեռնարկումը կնպաստի միջազգային կայունության ամրապնդմանը: Ռուսաստանը նման աշխատանքի համար քաղաքական կամք  ունի, որոշումն ԱՄՆ-ին է»,- ասել է  ՌԴ նախագահը: