Մակրոնը կոչով դիմել է Իրանին

Արդեն տեղեկացրել ենք, որ Իրանը գերազանցել է իրանական միջուկային գործարքով նախատեսված` ցածր հարստացված ուրանի պաշարը, այն 300 կգ-ից ավելի է:

Ֆրանսիայի նախագահ Էմանուել Մակրոնն այսօր կոչ է արել Իրանին` «անհապաղ» կրճատել ցածր հարստացված ուրանի պաշարները: Այդ մասին հայտնում է РИА Новости-ն` Ելիսեյան պալատի հայտարարությանը հղումով:

Ավելի վաղ Ատոմային էնեգիայի միջազգային գործակալությունը հաստատել է, որ Իրանը գերազանցել է ուրանի պաշարը:

ԱՄՆ նախագահ Դոնալդ Թրամփը նույնպես մեկնաբանել է այդ քայլը` ասելով, որ «Իրանը կրակի հետ է խաղում»:

Իրանական կողմն ավելի վաղ հայտնել էր, որ դադարեցնում է միջուկային գործարքի շրջանակում որոշ պարտկանությունների կատարումը: