Ավստրիայի նախագահը նշանակեց կանցլերին

Քիչ առաջ հայտնել էինք, որ Ավստրիայի կանցլեր առաջին անգամ կարող է կին նշանակվել:

Ավստրիական ԶԼՄ-ների տեղեկությունը հաստատվեց. երկրի նախագահը որպես ժամանակավոր կանցլեր է նշանակել Ավստրիայի Սահմանադրական դատարանի նախագահ Բրիգիտե Բիրլյայնին. հայտնում է РИА Новости-ն:

Սեբաստիան Կուրցի կառավարությունը երեքշաբթի պաշտոնանկ արվեց` սկանդալային տեսագրության հետ կապված:

Հիշեցնենք, որ խորհրդարանը անվստահություն էր հայտնել Կուրցին: Ավելի վաղ Spiegel և Sueddeutsche Zeitung պարբերականներ, իրենց տրամադրության տակ գտնվող տեսանյութին հղումով, հայտնեցին, որ արդեն նախկին փոխկանցլեր Հայնցե Քրիստիան  Շտրախեն 2017-ին քննարկել է ենթադրաբար ռուսաստանցի Ալյոնա Մակարովայի հետ նրա կողմից ավստրիական Kronen Zeitung պարբերականի գնումը, որպեսզի օժանդակություն ստանա նախատեսվող ընտրությունների ժամանակ: