Ղրիմում հրդեհը ոչնչացրել է դելֆինարիումի որոշ մասը

Ղրիմի Սևաստոպոլի դելֆինարիումի հրդեհը ոչնչացրել է շենքի  որոշ մասը, տեղեկացնում է «РИА «Новости»-ն:

Նշվում է, որ կրակը գրեթե ամբողջությամբ ոչնչացրել է դելֆինարիումի տանիքը, ենթակառուցվածքների մի մասը, ինչպես նաև տարածքում գործող հուշանվերների խանութները:

Նախնական տվյալներւ համաձայն` հրդեհը տեղի է ունեցել մայիսի 25-ի առավոտյան` ժամը 07.00-ի սահմաններում: Պատճառների մասին դեռևս չեն հաղորդվում:

Հավելվում է նաև, որ կաթնասունները չեն տուժել, չնայած այն բանին, որ միջադեպի պահին նրանք գտնվում էին հրդեհի օջախից ընդամենը 10 մետր հեռավորության վրա:

Այս պահին կրակն արդեն մարվել է: Դեպքի վայրում են իրավապահները` հրդեհի պատճառը պարզելու նպատակով: