Թրամփը դիմել է պաղեստինցիներին

ԱՄՆ նախագահ Դոնալդ Թրամփը հայտարարել է, որ Վաշինգտոնն ամբողջովին աջակցում է Իսրայելին, և կոչ է արել պաղեստինյան կողմին` դադարեցնել բռնությունը. հայտնում է РИА новости-ն:

«Դիմում եմ Գազայի բնակիչներին` այդ ահաբեկչական գործողությունները Իսրայելի նկատմամբ ձեզ, բացի նոր տանջանքներից, ուրիշ ոչինչ չեն բերի: Վերջ տվեք բռնությանը և աշխատեք խաղաղության հասնելու ուղղությամբ, դա հնարավոր է»,- գրել է նա իր թվիթերյան էջում:

Հիշեցնենք, որ շաբաթ օրը իրավիճակը Իսրայելի և Գազայի հատվածի սահմանին սրվել է: Կողմերը մեղադրում են միմյանց հրթիռակոծությունների մեջ: Զոհվել է 20 պաղեստինցի:

Այս պահին Եգիպտոսի միջնորդությամբ հրադադար է ձեռք բերվել: