Ռուսաստանը պնդում է, որ Հալեպում նոյեմբերին տեղի ունեցած քիմիական հարձակումը հետաքննվի

Ռուսաստանը պնդում է, որ Հալեպում նոյեմբերին տեղի ունեցած քիմիական հարձակումը հետաքննվի: Այդ մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան. հայտնում է РИА Новости-ն:

Նա հավելել է, որ Սիրիայի իշխանությունները պատրաստ են անվտանգության երաշխիքներ տրամադրել Քիմիական զենքի արգելման կազմակերպության փորձագետներին:

ՌԴ ՊՆ-ն նոյեմբերին հայտնել էր, որ գրոհայինները թունավոր նյութերով արկերով գնդակոծել են Հալեպը, 100 մարդ տուժել էր:

ՌԴ ՊՆ-ում ընդգծել են, որ ավելի վաղ ռուսական կողմը ուշադրություն է դարձրել այն հանգամանքին, որ «Սպիտակ սաղավարտներ» կազմակերպությունը փորձում է Իդլիբի շուրջ ապառազմականացված գոտում սադրանքի դիմել, որպեսզի այնուհետև մեղադրի կառավարական զորքերին բնակչության դեմ քիմիական զենք կիրառելու մեջ: