ՌԴ ԱԳՆ-ն անդրադարձել է Ուկրաինայում լրագրող Բաբչենկոյի սպանության բեմադրմանը

ՌԴ ԱԳՆ-ն  անդրադարձել է Ուկրաինայում ռուսաստանցի լրագրող Արկադի Բաբչենկոյի սպանության բեմադրմանը. հայտնում է Лента.ру-ն:

ԱԳՆ-ն կատարվածը որակել է որպես հերթական հակառուսական սադրանք և դատապարտել Ուկրաինայի Անվտանգության ծառայությանը համաշխարհային հանրությանը մոլորեցնելու համար:

«Ուկրաինական իշխանություններն ամբողջությամբ բռնել են ռուսաֆոբ ստի տարածման ուղին: Ծառայության ղեկավար Վասիլի Գրիցակի խոսքով` ուկրաինացի ուժայինները ձերբակալել են սպանության ենթադրյալ կատարողին, որը իբր հավաքագրվել է ռուսական հատուկ ծառայությունների կողմից»,-նշվում է հայտարարությունում:

«Փաստում ենք, որ Ուկրաինայում կյանքի ու մահվան հարցերը, ինչպես նաև նրա վարած քաղաքականության նկատմամբ միջազգային հանրության վստահությունը միայն մանրադրամ են հակառուսական հիստերիա ստեղծող Կիևի ռեժիմի համար»,- նշել են ԱԳՆ-ում: