Արամ Սիմոնյանը հոսպիտալացվել է. ուսանողները դադարեցրել են բողոքի ակցիան

Երևանի պետական համալսարանի ռեկտոր Արամ Սիմոնյանը հոսպիտալացվել է. ֆեյսբուքյան իր էջում գրել է ԵՊՀ մամուլի պատասխանատու Գևորգ Էմին-Տերյանը։ Ռեկտորը Նորք-Մարաշի սրտաբանական հիվանդանոցում է:

«ԵՊՀ ռեստարտ» նախաձեռնության կազմակերպիչներից Դավիթ Պետրոսյանն էլ իր հերթին գրել է, որ դադարեցնում են բողոքի ակցիաները: «Երևանի պետական համալսարանի ռեկտոր Արամ Սիմոնյանին մաղթում ենք առողջություն»,- ասել է նա:

Հիշեցնենք, որ «ԵՊՀ ռեստարտ» նախաձեռնությունը բողոքի ակցիա էր նախաձեռնել: Ուսանողները պահանջում են ԵՊՀ ռեկտոր Արամ Սիմոնյանի հրաժարականը, բուհի հոգաբարձուների խորհուրդը լուծարել, բուհում ֆինանսական աուդիտ անցկացնել, ինչպես նաև ՈՒԽ-ի և արհիմիության գործունեությունը կասեցնել: