Ես կարող եմ ինձ հայտարարել քաղաքական հայացքների համար հալածվող մարդ. Արամ Սիմոնյան

Իմ հանդեպ այսօր գործադրվեց բռնություն. սա դեմոկրատիա չէ, սա հաշվեհարդար է. լրագրողների հետ զրույցում հայտարարեց ԵՊՀ ռեկտոր Արամ Սիմոնյանը:

Նա նկատի ուներ այն, որ ուսանողները որոշ ժամանակ փակել էին նրա գրասենյակի դռան մուտքը՝ թույլ չտալով նրան` ներս մտնել:

Սիմոնյանի խոսքով՝ սա քաղաքական կուսակցության պատկանելու համար հաշվեհարդար է: «Ես կարող եմ ինձ հայտարարել քաղաքական հայացքների համար հալածվող մարդ: Ես բռնության միջոցով ոչ մի զիջման չեմ գնա, ես կարող եմ միայն կամավոր այդ քայլն անել»,- ասաց նա:

Տեղեկացրել էինք, որ այսօր «ԵՊՀ ռեստարտ» նախաձեռնությունը բողոքի ակցիա էր նախաձեռնել. ուսանողները պահանջում են նաև ԵՊՀ ռեկտոր Արամ Սիմոնյանի հրաժարականը: