Սուրեն Մանուկյանն անազատության մեջ է իր քաղաքական հայացքների պատճառով․ փաստաբան

Տավուշի մարզի առաջին ատյանի ընդհանուր իրավասության դատարանի Իջևան քաղաքի նստավայրում ընթացող ՀՅԴ անդամ Սուրեն Մանուկյանի և մյուսների գործով դատական նիստը հետաձգվեց․ այն տեղի կունենա փետրվարի 28-ին, ժամը՝ 14։00։

«3 օրից կլինի մեկ տարի և 6 ամիս, ինչ Սուրեն Մանուկյանը անհիմն կալանավորված է։ Տվյալ պահին այլ որակում չեմ կարողանում տալ, քան՝ այն որ Սուրեն Մանուկյանն անազատության մեջ է իր քաղաքական հայացքների պատճառով»,-Yerkir.am-ի հետ զրույցում ասաց Սուրեն Մանուկյանի փաստաբան Սերգեյ Ոսկանյանը։

Հիշեցնենք` օգոստոսի 12-ին Սուրեն Մանուկյանին մեղադրանք էր առաջադրվել քրեական օրնսգրքի 191 հոդվածի 2-րդ մասի 5-րդ կետով, այն է` անձի առևանգումը, որը կատարվել է խմբի կողմից:

Մանրամասն՝ տեսանյութում։