Մենք Սիրիայում իրավիճակի հետ կապված ռազմական շատ տարբերակներ ունենք. Թրամփ

ԱՄՆ նախագահ Դոնալդ Թրամփը հայտարարել է, որ սիրիական Դումա քաղաքում քիմիական զենքի կիրառման հետ կապակցությամբ Վաշինգտոնը ռազմական գործողություններ կիրականացնի, և համապատասխան որոշումը շուտով կկայացվի: Այդ մասին նա ասել է լրագրողներին. հայտնում է ТАСС-ը:

«Մենք շատ տարբերակներ ունենք` ռազմական առումով, և շուտով կհայտնենք ձեզ այդ մասին»,- ասել է նախագահը:

Թրամփի խոսքով` ԱՄՆ-ը ներկայումս փորձում է նաև պարզել` ով է կանգնած հարձակման հետևում: Ըստ նրա` ԱՄՆ-ը պատասխան քայլերի մասին որոշում կկայացնի այսօր երեկոյան կամ ավելի ուշ:

Նշենք, որ կիրակի տեղեկություն հայտնվեց այն մասին, որ սիրիական Դումայում քիմիական զենք է կիրառվել: