Տղերքի կողքին`Եռաբլուրում. լուսանկարներ

Վաղ առավոտից «Եռաբլուր» զինվորական պանթեոն մարդկանց հոսքը չի դադարում: Ապրիլյան պատերազմում զոհված զինծառայողների հարազատներից բացի, զինվորական պանթեոն էին այցելել բազմաթիվ զինվորականներ, ուսանողներ, դպրոցականներ: Նրանք եկել էին հարգանքի և երախտագիտության տուրք մատուցելու հակառակորդի կողմից սանձազերծված ապրիլյան ռազմական ագրեսիայի ժամանակ զոհված հերոսների հիշատակին:

Եռաբլուր էին այցելել նաև ՀՀ պաշտպանության նախարար Վիգեն Սարգսյանը, ՀՀ ԶՈւ գլխավոր շտաբի պետ Մովսես Հակոբյանը, ԶՈւ բարձրաստիճան սպաներ:

Եռաբլուրում են հուղարկավորված ապրիլյան պատերազմում զոհված զինծառայողներից 9-ը՝ Սասուն Մկրտչյանը, Արմենակ Ուրֆանյանը, Հայկ Թորոյանը, Բենիամին Եղոյանը, Հրաչյա Մուրադյանը, Ռոբերտ Աբաջյանը, Ադամ Սահակյանը, Գրիգոր Հարությունյանը, Բագրատ Ալեքսանյանը:

Արցախի հերոս Ռոբերտ Աբաջյանի շիրմաքարի մոտ պատվո պահակ էին կանգնել նրա անվան` Երևանի անվան թիվ 147 հիմնական դպրոցի աշակերտները, ովքեր կրում էին Աբաջյանի նկարով կրծքանշաններ:

Ի դեպ, այս տարի Եռաբլուր այցելած մարդկանց թիվն անհամեմատ շատ էր, քան նախորդ տարի: Սա, հավանաբար, պայմանավորված է նրանով, որ նախորդ տարի այս օրը Հայաստանում խորհրդարանական ընտրություններ էին:

Մանրամասները դիտեք Yerkir.am-ի տեսանյութում: