Արցախում զոհված 25-ամյա Վահագն Էլոյանին կհուղարկավորեն Եռաբլուրում. լուսանկարներ

Yerkir.am-ի տեղեկություններով` երեկ ՊԲ հարավարևելյան ուղղությամբ տեղակայված զորամասերից մեկի պահպանության տեղամասում հակառակորդի կողմից արձակված կրակոցից զոհված պայմանագրային զինծառայող` 25-ամյա Վահագն Էլոյանը Երևանից էր` Աջափնյակից: Նա ընտանիքի միակ որդին էր, ունի իրենից մեծ քույր:

Էլոյանն ավարտել էր Վազգեն Սարգսյանի անվան ռազմական համալսարանը և ծառայության անցել Արցախում: Նա մասնակցել է նաև 2016թ. ապրիլյան մարտական գործողություններին:

«Բարի տղա էր, լավ ընկեր, ընտանիքին նվիրված որդի»,- մեզ հետ զրույցում ասաց Վահագնի ընկերներից մեկը:

Զոհված զինծառայողի հոգեհանգիստը տեղի կունենա վաղը, իսկ հուղարկավորությունը՝ հունիսի 13-ին «Եռաբլուր» զինվորական պանթեոնում:

Նշենք, որ նախագահ Բակո Սահակյանն այսօր հրամանագիր է ստորագրել Արցախի Հանրապետության պետական սահմանը պաշտպանելիս ցուցաբերած արիության համար ԱՀ պաշտպանության բանակի N զորամասի զինծառայող Վահագն Էլոյանին «Մարտական ծառայություն» մեդալով հետմահու պարգեւատրվելու մասին: